Xitoy futbol assosiasiyasi mamlakat futbolining rivojlanish dasturini taqdim qildi.
Unga ko‘ra, bolalar va o‘smirlar futbolini rivojlantirish uchun klublar o‘z byudjetining 15 foizini sarflashga majbur bo‘ladi.
Bundan tashqari, 30 mln yevrodan ortiq qimmat narxdagi transferlar uchun klublar qo‘shimcha ravishda soliqqa tortiladi. Bu mablag‘lar bolalar futbolini rivojlantirishga sarflanadi.
Har bir klubning o‘z bazasi, unda kamida 4ta maydon va ularning biri sun’iy qoplamali bo‘lishi belgilanadi.
Klublarning moliyaviy hisobotlarini tekshirish uchun mustaqil auditorlar jalb qilinadi.
