«Arsenal» bosh murabbiyi Arsen Venger FIFA mulozimi Marko van Bastenning ofsaydni bekor qilish haqidagi taklifiga o‘z munosabatini bildirdi.
«O‘zgarishlar – futbolning sifatini oshirishi lozim. Aks holda ularning qizig‘i qolmaydi.
Ofsaydning bekor qilinishi - qiziq emas. Bu qoida futbolchilarga birgalikda, yakdil harakat qilish imkoniyatini beradi. Bu jamoaviy o‘yinning bir qismidir. Ofsaydni amalga oshirishda aql bilan ish ko‘rish kerak, bu muhim.
Umuman olganda, futbol yaxshilanib bormoqda va unga inqilobiy o‘zgarishlarni kiritish shartmas.
Himoya hujumga muammo tug‘diradi, hujum esa yangi echimlarni izlaydi, shu tarzda davom etishi shart. O‘yinning rivojlanishi uchun engillik emas, qiyinchilik tug‘dirish lozim» - dedi Venger.
