«Арсенал» бош мураббийи Арсен Венгер ФИФА мулозими Марко ван Бастеннинг офсайдни бекор қилиш ҳақидаги таклифига ўз муносабатини билдирди.

«Ўзгаришлар – футболнинг сифатини ошириши лозим. Акс ҳолда уларнинг қизиғи қолмайди.

Офсайднинг бекор қилиниши - қизиқ эмас. Бу қоида футболчиларга биргаликда, якдил ҳаракат қилиш имкониятини беради. Бу жамоавий ўйиннинг бир қисмидир. Офсайдни амалга оширишда ақл билан иш кўриш керак, бу муҳим.

Умуман олганда, футбол яхшиланиб бормоқда ва унга инқилобий ўзгаришларни киритиш шартмас.

Ҳимоя ҳужумга муаммо туғдиради, ҳужум эса янги ечимларни излайди, шу тарзда давом этиши шарт. Ўйиннинг ривожланиши учун енгиллик эмас, қийинчилик туғдириш лозим» - деди Венгер.