O‘tgan mavsumni chempionat jadvalining oltinchi pog‘onasida yakunlagan Navoiyning “Qizilqum” klubi a’zolari rejaga ko‘ra, ikkinchi bosqich o‘quv-yig‘in mashg‘ulotlarini o‘z qarorgohlarida davom ettirishyapti.

Hamidjon Aktamov rahbarligida konchilar yangi mavsum taraddudiga o‘tgan yilning 15 dekabridan kirishgandi. So‘ngra jamoa murabbiylar shtabi va futbolchilar 26 dekabrda poytaxtimizda tibbiy ko‘rikdan o‘tishdi.

Yangi yil bayrami munosabati bilan e’lon qisqa ta’tildan so‘ng, jamoa a’zolari 5 yanvardan yana Navoiyda mashg‘ulotlarni davom ettirishyapti.

Yangi mavsumga taraddud ko‘rayotgan “Qizilqum” jamoasi tarkibida bir qator o‘zgarishlar bor. Jumladan, o‘tgan mavsumda konchilar sharafini himoya qilgan Eliyorjon Akbarov, Shukur Jumaboyev, Nemanya Yovanovich, Ravshan Aslonov, Hamza Karimov, Otabek Narzullayev, Nodirxon Kamolov kabi o‘yinchilar jamoani tark etgan. Ayni chog‘da Navoiydagi mashg‘ulotlarda Mansur Saidov, Shukur Po‘latov (“Neftchi”), Otabek Zokirov (“Qo‘qon-1912”), Azamat Allaniyozov (“Nasaf”), Umid Xonimqulov (“Olmaliq”) singari futbolchilar ishtirok etishyapti.