"PSJ" yarimhimoyachisi Xese Rodriges faoliyatini Angliyada davom ettirishi mumkin.

Ispaniyaning Canarias 7 portali xabariga ko‘ra, "Las-Palmas" Xesening hozirgi maoshining 20 foizini to‘lay olishi mumkin, xolos (yiliga 2,8 mln yevro). Bundan tashqari futbolchi Ispaniyaga qaytishda 700 ming soliq to‘lashni chetlab o‘tmoqchi.

Shu sabablarga ko‘ra, futbolchining Angliyaga ko‘chib o‘tish ehtimoli ko‘proq. Xese moslashish jarayoni qiyinligi sabab Angliyaga o‘tishni unchalik xohlamagan edi, ammo jamoa bosh murabbiyi Aytor Karanka bilan suhbatdan so‘ng qarorini o‘zgartirdi.

Bundan tashqari, "Midlsbro" "PSJ"ning barcha talablarini bajarishga va futbolchi maoshini to‘liq berishga tayyor. Futbolchi yozda borib qo‘shilgan parijliklar safini tark etishga jiddiy qaror qilgan.