"ПСЖ" яримҳимоячиси Хесе Родригес фаолиятини Англияда давом эттириши мумкин.
Испаниянинг Canarias 7 портали хабарига кўра, "Лас-Пальмас" Хесенинг ҳозирги маошининг 20 фоизини тўлай олиши мумкин, холос (йилига 2,8 млн евро). Бундан ташқари футболчи Испанияга қайтишда 700 минг солиқ тўлашни четлаб ўтмоқчи.
Шу сабабларга кўра, футболчининг Англияга кўчиб ўтиш эҳтимоли кўпроқ. Хесе мослашиш жараёни қийинлиги сабаб Англияга ўтишни унчалик хоҳламаган эди, аммо жамоа бош мураббийи Айтор Каранка билан суҳбатдан сўнг қарорини ўзгартирди.
Бундан ташқари, "Мидлсбро" "ПСЖ"нинг барча талабларини бажаришга ва футболчи маошини тўлиқ беришга тайёр. Футболчи ёзда бориб қўшилган парижликлар сафини тарк этишга жиддий қарор қилган.
