«Mash’al» klubi navbatdagi nazorat bahsida g‘alabaga erishdi.
Bugun Bekobodning «Metallurg» jamoasiga qarshi maydonga tushgan «gazchilar» 3:1 hisobida ishonchli g‘alabaga erishdi.
Dastlab hisobni «Metallurg» ochdi. Arslon Sultonov 12 daqiqada Botir Nosirov darvozasini ishg‘ol etdi. Ammo shundan so‘ng bekobodliklar bir qator xatolarga yo‘l qo‘yishdi. 35-daqiqada «Mash’al»ning hujumi xavfli va samarali yakun topdi. Akbarov himoyada palapartish o‘yin ko‘rsatdi va o‘z darvozasini ishg‘ol etib qo‘ydi - 1:1.
Ikkinchi bo‘limning 77-daqiqasida Xumoyun Murtazoev «Metallurg» darvozabonini qiyin ahvolda qoldirdi, uning boshi bilan bergan zarbasini raqib darvozaboni qaytara olmadi - 2:1. Butun jamoa bo‘lib hujumga o‘tib ketgan va himoyani esdan chiqargan bekobodliklar 90 daqiqada Shohrux Dostonovning zarbasidan keyin butunlay mag‘lubiyatni tan olishdi. Bu vaziyatda Dostonov birga bir vaziyatda raqib darvozabonini ayab o‘tirmadi - 3:1.
20 yanvar, o‘rtoqlik o‘yini
“Mash’al” – “Metallurg” 3-1
Gollar: Akbaraliev (35 avtogol), Murtozoev (77), Dostonov (90) - Sultonov (12)
«Mash’al»: Botir Nosirov, , Temur Kagirov, Aslibek Begimqulov, Avaz Agaliev, Vladislav Pavlenko, Mirzakamol Kamolov, Shahzod Shaymanov, Zafar To‘raev, Zoxir Qo‘ziboev, Konstantin Belov, Maradona Safarov
«Mash’al»: Javohir Ilyosov, Abbos Shodmonov, Abdulloh Olimov, Bobur Qosimov,
Iskandar Shayqulov, Shoxruh Dostonov, Xumoyun Murtozoev, Shoxijaxon Qilichov, Jonibek Mirzaqulov, Kenja To‘raev, Farrux Shotursunov.
Zahira: Temur Masharipov.
