«Машъал» клуби навбатдаги назорат баҳсида ғалабага эришди.

Бугун Бекободнинг «Металлург» жамоасига қарши майдонга тушган «газчилар» 3:1 ҳисобида ишончли ғалабага эришди.
Дастлаб ҳисобни «Металлург» очди. Арслон Султонов 12 дақиқада Ботир Носиров дарвозасини ишғол этди. Аммо шундан сўнг бекободликлар бир қатор хатоларга йўл қўйишди. 35-дақиқада «Машъал»нинг ҳужуми хавфли ва самарали якун топди. Акбаров ҳимояда палапартиш ўйин кўрсатди ва ўз дарвозасини ишғол этиб қўйди - 1:1.
Иккинчи бўлимнинг 77-дақиқасида Хумоюн Муртазоев «Металлург» дарвозабонини қийин аҳволда қолдирди, унинг боши билан берган зарбасини рақиб дарвозабони қайтара олмади - 2:1. Бутун жамоа бўлиб ҳужумга ўтиб кетган ва ҳимояни эсдан чиқарган бекободликлар 90 дақиқада Шоҳрух Достоновнинг зарбасидан кейин бутунлай мағлубиятни тан олишди. Бу вазиятда Достонов бирга бир вазиятда рақиб дарвозабонини аяб ўтирмади - 3:1.

20 январь, ўртоқлик ўйини
“Машъал” – “Металлург” 3-1
Голлар: Акбаралиев (35 автогол), Муртозоев (77), Достонов (90) - Султонов (12)
«Машъал»: Ботир Носиров, , Темур Кагиров, Аслибек Бегимқулов, Аваз Агалиев, Владислав Павленко, Мирзакамол Камолов, Шаҳзод Шайманов, Зафар Тўраев, Зохир Қўзибоев, Константин Белов, Марадона Сафаров
«Машъал»: Жавоҳир Илёсов, Аббос Шодмонов, Абдуллоҳ Олимов, Бобур Қосимов,
Искандар Шайқулов, Шохруҳ Достонов, Хумоюн Муртозоев, Шохижахон Қиличов, Жонибек Мирзақулов, Кенжа Тўраев, Фаррух Шотурсунов.
Заҳира: Темур Машарипов.