2016/17 mavsumda «Real» klubi jarohatlar girdobida qolgan.
Joriy mavsum boshida jarohati tufayli Ronaldu 3 o‘yinni, Navas esa 7 o‘yinni o‘tkazib yuborgandi. Agar «Real»ning barcha futbolchilari o‘tkazib yuborgan o‘yinlarni hisoblab chiqsak, 118 raqamiga ega bo‘lamiz.
Marca xabariga ko‘ra, «Real»ning o‘rtacha hisobda 4 nafar futbolchisi har bir o‘yinni jarohati tufayli o‘tkazib yubormoqda. Jamoa tarkibida 21 futbolchi va 3 darvozabon borligini hisobga oladigan bo‘lsak, bu katta raqam.
Jarohati tufayli o‘yinlarni o‘tkazib yuborishda peshqadamlar - Fabiu Koentrau (17), Garet Beyl (13), Pepe (13) va Kazemiro (13).
Ayni paytda, jarohatlangan safida Beyl, Xames, Pepe, Koentrau, Karvaxal va Asensio bor.
Joriy mavsumda bor yo‘g‘i 2 nafar futbolchi jarohat olmagan - Nacho va Mariano.