«Liverpul» klubining sobiq sardori Stiven Jerrard qadrdon klubida murabbiylik faoliyatini boshladi.
Jerrard akademiya direktori Aleks Ingltorp va boshqa murabbiylar bilan yonma-yon ishlaydigan bo‘ldi, deb xabar bermoqda klub sayti.
«Faoliyatimni qaerda boshlagan bo‘lsam, yana shu erga qaytdim. Bu menga murabbiy sifatida o‘qish va rivojlanish imkoniyatini beradi. Bundan tashqari, o‘z bilim, g‘oya va tajribamni yosh futbolchilarga taklif qilish imkoniyatiga ega bo‘laman» - dedi Jerrard.
Mutaxassis fevral oyidan o‘z ishini boshlaydi.
