«Ливерпуль» клубининг собиқ сардори Стивен Жеррард қадрдон клубида мураббийлик фаолиятини бошлади.

Жеррард академия директори Алекс Инглторп ва бошқа мураббийлар билан ёнма-ён ишлайдиган бўлди, деб хабар бермоқда клуб сайти.

«Фаолиятимни қаерда бошлаган бўлсам, яна шу ерга қайтдим. Бу менга мураббий сифатида ўқиш ва ривожланиш имкониятини беради. Бундан ташқари, ўз билим, ғоя ва тажрибамни ёш футболчиларга таклиф қилиш имкониятига эга бўламан» - деди Жеррард.

Мутахассис февраль ойидан ўз ишини бошлайди.