Turkiyada qishki o‘quv-yig‘in mashg‘ulotlarini olib boryotgan "Nasaf" so‘nggi nazorat uchrashuvida maydonga tushdi.
“Ajdarlar” Qozog‘iston Premer-ligasi vakili, Qarag‘anda shahrining “SHaxtyor” jamoasi bilan kuch sinashdi.
Teng kurashlar ostida boshlangan uchrashuvning birinchi bo‘limida “konchilar” hisobda oldinga chiqib olishdi, ikinchi bo‘lim esa to‘liq “Nasaf” ustunligida o‘tdi. Dastavval, o‘yinning 50-daqiqasida Azizjon G‘aniev jarima zarbasidan unumli foydalandi va hisobni tenglashtirdi. Oradan ko‘p vaqt o‘tmay uchrashuvning 54 – daqiqasiga kelib Odiljon Xamrobekovning havodan oshirib bergan to‘pini Shaxboz Erkinov boshi bilan darvoza to‘riga joylab qo‘ydi, 2:1. Uchrashuvga so‘ngi nuqta 64 – daqiqada Dragan Cheran tomonidan qo‘yildi, 3:1.
Shu tariqa Ro‘ziqul Berdiev shogirdlari i Antaliya yig‘inidan o‘rin olgan so‘ngi nazorat uchrashuvida ham g‘alaba qozondi. Jamoa a’zolari ertaga O‘zbekistonga qaytib kelishadi.
“Nasaf” – “SHaxtyor Qarag‘anda” – 3:1
Gollar: Azizjon G‘aniev 50, Shaxboz Erkinov 54, Dragan Cheran 64
“Nasaf”: Sanjar Quvvatov, Farrux Sayfiev, Igor Golban, Sherzod A’zamov, Akmal Shorahmedov, Odil Hamrobekov, Aziz G‘aniev, Bahrom Abdurahimov, Islom Kenjaboev, Dragan Cheran, Shahboz Erkinov.
Zahira: Doniyor Narzullaev, Najmiddin Normurodov, Maqsud Karimov, Islom Rashidxonov, Bobir Abdixoliqov, Dilshod Xushbakov, Sharof Muxitdinov, G‘olib G‘aybullaev, Sirojiddin Quziev, Dilshod Raxmatullaev.
