Туркияда қишки ўқув-йиғин машғулотларини олиб борётган "Насаф" сўнгги назорат учрашувида майдонга тушди.
“Аждарлар” Қозоғистон Премьер-лигаси вакили, Қарағанда шаҳрининг “Шахтёр” жамоаси билан куч синашди.
Тенг курашлар остида бошланган учрашувнинг биринчи бўлимида “кончилар” ҳисобда олдинга чиқиб олишди, икинчи бўлим эса тўлиқ “Насаф” устунлигида ўтди. Даставвал, ўйиннинг 50-дақиқасида Азизжон Ғаниев жарима зарбасидан унумли фойдаланди ва ҳисобни тенглаштирди. Орадан кўп вақт ўтмай учрашувнинг 54 – дақиқасига келиб Одилжон Хамробековнинг ҳаводан ошириб берган тўпини Шахбоз Эркинов боши билан дарвоза тўрига жойлаб қўйди, 2:1. Учрашувга сўнги нуқта 64 – дақиқада Драган Черан томонидан қўйилди, 3:1.
Шу тариқа Рўзиқул Бердиев шогирдлари и Анталия йиғинидан ўрин олган сўнги назорат учрашувида ҳам ғалаба қозонди. Жамоа аъзолари эртага Ўзбекистонга қайтиб келишади.
“Насаф” – “Шахтёр Қарағанда” – 3:1
Голлар: Азизжон Ғаниев 50, Шахбоз Эркинов 54, Драган Черан 64
“Насаф”: Санжар Қувватов, Фаррух Сайфиев, Игорь Голбан, Шерзод Аъзамов, Акмал Шораҳмедов, Одил Ҳамробеков, Азиз Ғаниев, Баҳром Абдураҳимов, Ислом Кенжабоев, Драган Черан, Шаҳбоз Эркинов.
Заҳира: Дониёр Нарзуллаев, Нажмиддин Нормуродов, Мақсуд Каримов, Ислом Рашидхонов, Бобир Абдихолиқов, Дилшод Хушбаков, Шароф Мухитдинов, Ғолиб Ғайбуллаев, Сирожиддин Қузиев, Дилшод Рахматуллаев.
