Taniqli karikaturachi-rassom Umar Mo‘maniy tomonidan so‘nggi kunlarda chizilgan bir nechta suratlarni e’tiboringizga havola qilamiz.

1. "Yuve"ning yangi logosi

"Yuventus" klubining yangi logotipi ko‘plab munozaralarga sabab bo‘ldi. Lekin kimdir baribir yakuniy qarorga kelish kerak-ku.

2. Kayfi oshib qolgan van Basten

Futboldan offsayd va sariq kartochkalarni bekor qilish kerak, degan g‘oyani ilgari surgan gollandiyalik sobiq futbolchi Marko van Basten ko‘pchilikning kulgisiga sabab bo‘ldi.

3. Ko‘rshapalak Messi

"Sevilya" bosh murabbiyi Xorxe Sampaoli Lionel Messi haqida shunday dedi: "Leo Messini boshqa kim bilandir tenglashtirish — bu Betmen va polisiyachini solishtirish bilan barobar".

4. Yolg‘iz Pep

"Everton"dan yirik hisobda mag‘lubiyatga uchragach, Pep Gvardiola yaqin orada o‘z tug‘ilgan kuniga bunaqa "sovg‘a" olmagan bo‘lsa kerak.

5. Ronalduning qayrog‘i

Ancha vaqtdan beri mag‘lubiyatga uchramay kelayotgan "Real" jamoasi, so‘nggi 2ta o‘yinda mag‘lubiyat alamini tortdi. Zidanning boshi "o‘tmaslashib" qolgan shekilli,  hozircha peshqadam, Ronaldu murabbiyning boshini "charxlamoqda".