«Arsenal» bosh murabbiyi Arsen Venger APL 22-turidan o‘rin olgan «Byornli» (2:1) klubiga qarshi o‘yindan so‘ng o‘z fikrini aytdi.

«G‘alaba qozongan bo‘lsak-da, uni osonlikcha qo‘lga kiritmadik. Biz ikkinchi golni tezroq urishimiz lozim edi. Bir futbolchi kam bo‘lib qolganimizdan so‘ng, raqib yaxshiroq o‘ynadi. Biroq yakunda kerakli uch ochkoga ega bo‘ldik.

«Byornli» – batartib jamoa ekan, ular oddiy, ammo samarali o‘yin namoyish etadi. Biz ularga qarshi avvalgi o‘yinda ham so‘nggi daqiqalarda g‘alabani qo‘lga kiritgandik. Bu safar ham shunday bo‘ldi.

Chakaning chetlatilishi? Men bundan xafa bo‘ldim. Darvozamizga belgilangan penaltidan ham, chunki ochko yo‘qotishga yaqin edik. Ammo xafa bo‘lsam-da, og‘zimni yumishim kerak edi. Uzr so‘rayman» - dedi Venger.

«Arsenal» darvozasiga belgilangan penaltiga norozilik bildirgan Venger maydondan chetlatilgan edi.