Shanxay futbol assosiasiyasi «MYU» hujumchisi Ueyn Runi bilan «Shanxay Shenxua» va «Shanxay SIPG» klublari qiziqayotgani haqidagi xabarlarni inkor qildi.
Avvalroq, matbuotda Xitoy klubi futbolchiga haftasiga 1 mln funt maosh taklif qilgani haqida xabarlar chiqqan edi.
«Bizdagi ma’lumotga ko‘ra, Shanxayning Superligada ishtirok etuvchi har ikkala klubi transfer ishlarini yakunlagan va ularda xorijliklar uchun bo‘sh ish o‘rni qolmagan. Futbol assosiasiyamiz rahbari bu xabarlarni asossiz deb hisoblamoqda» - deyiladi tashkilot bayonotida.
