Sobiq Tashselmash tomonga birinchi marta keldim. Bunday sun’iy o‘t bilan qoplanib, baland temir to‘r bilan o‘ralgan futbol maydonchalarni ko‘chalarda ko‘p ko‘rasiz. “Obod” bazalaridan biri shu yerda ekan. Skladni eslatadigan, sirti alyukobon bilan qoplangan uy va sun’iy maysa to‘shalgan o‘lchamlari talabga javob beradigan futbol maydoni. Katta ko‘chadan o‘nga burilib pastga yo‘l yoqalab yura boshlagan edim. Futbol maydonini eslatuvchi hech narsa yo‘q edi. O‘ng tomonda shundoqqina yo‘l yoqasida ro‘paramda birdan futbol maydoni paydo bo‘lib qoldi. Kasbikomil (professional) futbol o‘lchamlariga ega bu maydon stadionga o‘xshamas ekan. Havaskor yigitlar pul to‘lab, to‘p tepib ketadigan  maydonchani eslatib, 6 metr baland qilib temir to‘rlar bilan o‘ralgan, ko‘chaga taqalib chiqqan, bejirim maydon ekan. Juda orasta, har bir qarich yeri hisobli, qarovli maydon va uning oldiga taqab qurilgan baza yo‘l yoqasidagi tejamkor ko‘rinishli, ostonasi supurilgan, xovlini eslatar ekan. Mashg‘ulot paytida ham o‘rta yashar bir ayol yo‘laklarni tozalar edi.

Har tomonlama to‘kis tugal, o‘z o‘yiniga, o‘z ishqiboziga ega kamtarin “Obod” futbol klubi ham Oliy ligamizda birdan paydo bo‘lib qoldi. U ”Chilonzor”, “Oq-tepa” klublari singari qanday ochilgan bo‘lsa, shunday yopilib ketadimi yo o‘ziga xos kamtarin klub bo‘lib, haqli ravishda Oliy ligamizda o‘zining doimiy o‘rniga ega bo‘ladimi? “Bunyokor”, “Paxtakor”, “Lokomotiv” kabi klublarning hashamati yonida ushbu kamtarin maydon egalari bir yilda ishqiboz xalqining mehrini qozondi. Qisqagina kamtarin nomi bilan dilda qoldi. Ko‘ngildan joy oldi. Barcha Obodliklarning: XonObod, Fayzobod, Mirobod, Gulobod, Dombirobod kabi Toshkentning “Obod” so‘zi bilan tugallanuvchi qadimgi mahallarining sevimli klubiga aylandi. Gadoning dushmani gado bo‘ladi, deganlaridek boy klublarimiz ishqibozlari bir-biriga tish qayrab yurishadi. “Obod”ga hamma o‘zgacha mehr bilan ishqibozchilik qilmoqda. Yurtimiz futbolchilari  o‘ynashni orzu qilgan boy klublarimizning ishqibozlari kundan kunga kamayib borgani bilan “Obod” klubining ishqibozlari ko‘payib bormoqda.

Davomi Hasanali Qodirov blogida.