Osiyo Chempionlar Ligasi saralash doirasidagi “Nasaf” hamda “Al-Hidd” klublari o‘rtasidagi uchrashuvdan oldingi matbuot anjumani 30 yanvar kuni soat 12:00da boshlanadi.
O‘yinoldi matbuot anjumni Bunyodkor stadioni anjumanlar zalida bo‘lib o‘tishi rejalashtirilgan. Dastlab, soat 12:00da “Al-Hidd” klubi vakillari jurnalistlar savollariga javob bersa, matbuot anjumanining ikkinchi qismida “Nasaf” klubi vakillari ishtirok etishadi.
Shuningdek, mazkur uchrashuvdan oldingi rasmiy mashg‘ulotlar vaqti ham tasdiqlandi. Unga ko‘ra, dastlab “Nasaf” soat 15:00da rasmiy mashg‘ulotini boshlaydi. Bahraynning “Al-Hidd” klubi mashg‘uloti esa, soat 16:00da boshlanadi. Mashg‘ulotlarning dastlabki 15 daqiqasi OAV uchun ochiq tarzda o‘tadi.
Ma’lumot uchun, ikkala jamoa o‘rtasidagi o‘yin 31 yanvar kuni Toshkentdagi “Bunyodkor” stadionida bo‘lib o‘tadi. O‘yin soat 16:00da boshlanadi.
OCHL-2017, o‘tish bosqichi.
“Nasaf” (Qarshi) - “Al-Hidd” (Bahrayn)
31 yanvar.
Toshkent. “Bunyodkor” stadioni. Soat 16:00
Bosh hakam: Gamini Nivon Robish (SHri-Lanka)
Laynsmenlar: Loku Udayakantha, Vellabada Primalal (ikkisi Shri-Lanka)
Zaxira hakami: Rajakrishna Rajaratnam (SHri-Lanka)
Nazoratchi: Umar Muso Abu Loum (Iordaniya)
