Осиё Чемпионлар Лигаси саралаш доирасидаги “Насаф” ҳамда “Ал-Ҳидд” клублари ўртасидаги учрашувдан олдинги матбуот анжумани 30 январь куни соат 12:00да бошланади.
Ўйинолди матбуот анжумни Бунёдкор стадиони анжуманлар залида бўлиб ўтиши режалаштирилган. Дастлаб, соат 12:00да “Ал-Ҳидд” клуби вакиллари журналистлар саволларига жавоб берса, матбуот анжуманининг иккинчи қисмида “Насаф” клуби вакиллари иштирок этишади.
Шунингдек, мазкур учрашувдан олдинги расмий машғулотлар вақти ҳам тасдиқланди. Унга кўра, дастлаб “Насаф” соат 15:00да расмий машғулотини бошлайди. Баҳрайннинг “Ал-Ҳидд” клуби машғулоти эса, соат 16:00да бошланади. Машғулотларнинг дастлабки 15 дақиқаси ОАВ учун очиқ тарзда ўтади.
Маълумот учун, иккала жамоа ўртасидаги ўйин 31 январь куни Тошкентдаги “Бунёдкор” стадионида бўлиб ўтади. Ўйин соат 16:00да бошланади.
ОЧЛ-2017, ўтиш босқичи.
“Насаф” (Қарши) - “Ал-Ҳидд” (Баҳрайн)
31 январь.
Тошкент. “Бунёдкор” стадиони. Соат 16:00
Бош ҳакам: Гамини Нивон Робиш (Шри-Ланка)
Лайнсменлар: Локу Удаякантҳа, Веллабада Прималал (иккиси Шри-Ланка)
Захира ҳаками: Ражакришна Ражаратнам (Шри-Ланка)
Назоратчи: Умар Мусо Абу Лоум (Иордания)
