"Betis" bosh murabbiyi Viktor Sanches Ispaniya chempionatining 20-turida "Barselona" bilan durangdan so‘ng (1:1) fikrlari bilan o‘rtoqlashdi.
Uchrashuvda hakamlar maydon egalari darvozasiga kiritilgan toza golini hisobga olmadilar.
"Bu vaziyatni ko‘rmadim va gol bo‘ldimi, yo‘qmi, bilmayman. Takrorlashdan charchamayman, biz hech qachon hakamlarni aybdor qilib, bahona izlamaymiz. Natijadan qat’iy nazar.
Odatda, hakamlar kuchliroq klubga yon bosadilar. Ammo ular ham oddiy bandalar, hato qiladilar. Har qanday vaziyatda seni jazolashgan yoki senga xizmat ko‘rsatishgan holatlarga yashay bilishing kerak", - deydi Sanches.
