"Atletiko" bosh murabbiyi Diyego Simeone Ispaniya kubogida "Barselona"dan uchralgan mag‘lubiyatdan so‘ng (1:2) fikrlari bilan o‘rtoqlashdi.

"Barselona" o‘yinni yaxshi boshladi. U maydon markazida yarimhimoyamizning xatosidan foydalanib hisobni ochdi.

Keyin Messi chiroyli gol urdi, bu bizning rejalarimizni va birinchi bo‘lim qanday o‘tishi kerakligi haqidagi tasavvurlarimizni butunlay o‘zgartirib yubordi.

Ikkinchi bo‘limda o‘zimizga o‘xshay boshladik. O‘yinni durangga olib kelishimiz mumkinday tuyuldi, ammo "Barselona"dan 0:2 hisobida ortda borayotib, bunga erishish qiyin.

Tanaffusda nima dedim? Bu gaplar kiyinish xonasida qoladi, ammo menga ikkinchi bo‘limdagi harakatlarimiz yoqdi.

"Barselona" bu qarama-qarshilikda favoritmi? Bu haqida avval ham aytganman, yana qaytaraman: Kubok - bu o‘ziga xos musobaqa.

Javob uchrashuvida yutish uchun hamma narsa qilamiz. Hali hech narsa hal bo‘lmaganini "Barselona"dagilar ham tushunib turishibdi. Bizni yana bir qiziqarli o‘yin kutyapti", - deydi Simeone.