"Атлетико" бош мураббийи Диего Симеоне Испания кубогида "Барселона"дан учралган мағлубиятдан сўнг (1:2) фикрлари билан ўртоқлашди.
"Барселона" ўйинни яхши бошлади. У майдон марказида яримҳимоямизнинг хатосидан фойдаланиб ҳисобни очди.
Кейин Месси чиройли гол урди, бу бизнинг режаларимизни ва биринчи бўлим қандай ўтиши кераклиги ҳақидаги тасаввурларимизни бутунлай ўзгартириб юборди.
Иккинчи бўлимда ўзимизга ўхшай бошладик. Ўйинни дурангга олиб келишимиз мумкиндай туюлди, аммо "Барселона"дан 0:2 ҳисобида ортда бораётиб, бунга эришиш қийин.
Танаффусда нима дедим? Бу гаплар кийиниш хонасида қолади, аммо менга иккинчи бўлимдаги ҳаракатларимиз ёқди.
"Барселона" бу қарама-қаршиликда фаворитми? Бу ҳақида аввал ҳам айтганман, яна қайтараман: Кубок - бу ўзига хос мусобақа.
Жавоб учрашувида ютиш учун ҳамма нарса қиламиз. Ҳали ҳеч нарса ҳал бўлмаганини "Барселона"дагилар ҳам тушуниб туришибди. Бизни яна бир қизиқарли ўйин кутяпти", - дейди Симеоне.
