O‘zbekiston Professional futbol ligasi matbuot xizmati 2017 yilgi O‘zbekiston chempionati va Kubogi o‘yinlari uchun ommaviy axborot vositalari vakillarini akkreditasiyadan o‘tkazish jarayonini boshlanganini e’lon qiladi.
2017 yilgi O‘zbekiston Chempionati bahslari 3 mart kuni start oladi.
O‘zbekiston Chempionati va Kubogi bahslarini stadiondan turib yoritishni maqsad qilgan OAV xodimlari 2017 yilning 2-15 fevral sanalari oralig‘ida akkreditasiya zayavkasini O‘zPFL matbuot xizmati elektron pochtasiga (media@the-uff.com) jo‘natishlari kerak. Akkreditasiya zayavkasi namunasi va talablari bilan O‘zPFL rasmiy saytining «Hujjatlar» bo‘limidagi «Akkreditasiyadan o‘tkazish tartibi» faylini ko‘chirib olish orqali tanishish mumkin.
Ma’lumot o‘rnida, 2013 yildan O‘zPFL Matbuot xizmati tomonidan «Akkreditasiyadan o‘tkazish tartibi» ishlab chiqilgan bo‘lib, unda jurnalistlarga akkreditasiya berishda ular ishlaydigan OAVning muhimlik darajalari belgilab chiqilgan. Jumladan, O‘zbekiston qonunchiligiga asosan ro‘yxatdan o‘tgan va kundalik tashrif buyuruvchilari soni 5000dan ortiq bo‘lgan sportga ixtisoslashgan internet-nashrlarining muhimlik darajasi nisbatan yuqori hisoblanadi.
