«Yuventus» klubining sobiq hujumchisi, bir paytlari «Chelsi» bosh murabbiyi Antonio Konte bilan birga to‘p surgan Fabrisio Ravanelli londonliklarning Angliya chempionatidagi g‘alabasiga shubha qilmayapti.
«Chelsi» Premyer-Ligada g‘olib chiqadi. Bunga shubham yo‘q. Ularda ajoyib futbolchilar yig‘ilgan, fantastik jamoa bor. Ammo men bunga faqat Antonio tufayli ishonaman. Uning barcha jamoalarida bir xil mentalitetni ko‘rmoqdamiz. O‘zingiz ham guvohi bo‘lyapsiz. «Chelsi» futbolchilari maydondagi har bir vaziyatda bor kuchi bilan kurashmoqda» - dedi Ravanelli.
