«Ювентус» клубининг собиқ ҳужумчиси, бир пайтлари «Челси» бош мураббийи Антонио Конте билан бирга тўп сурган Фабрицио Раванелли лондонликларнинг Англия чемпионатидаги ғалабасига шубҳа қилмаяпти.
«Челси» Премьер-Лигада ғолиб чиқади. Бунга шубҳам йўқ. Уларда ажойиб футболчилар йиғилган, фантастик жамоа бор. Аммо мен бунга фақат Антонио туфайли ишонаман. Унинг барча жамоаларида бир хил менталитетни кўрмоқдамиз. Ўзингиз ҳам гувоҳи бўляпсиз. «Челси» футболчилари майдондаги ҳар бир вазиятда бор кучи билан курашмоқда» - деди Раванелли.
