"Bavariya" darvozaboni Manuel Noyer Germaniya chempionatining 19-turida "Shalke" bilan uchrashuv oldidan fikrlari bilan o‘rtoqlashdi.
Uchrashuv 4 fevral kuni Myunxenda bo‘lib o‘tadi. "Bavariya" 45 ochko bilan Bundesligada yetakchilik qilayotgan bo‘lsa, "Shalke" 21 ochko bilan 11-o‘rinda bormoqda.
"Oldimizda katta o‘yinlar turganini tushunib turibmiz. Biz o‘zimizning eng yaxshi futbolimizni ko‘rsatmoqchimiz va buni shanba kuni ham bajarmoqchimiz. "Shalke" devorga taqalib turibdi. BU xavfli vaziyat. Bizga qarshi o‘yinda ular o‘z ahvollarini yaxshilashga va yaxshiroq o‘ynashga harakat qilishadi. Uning tarkibida mahoratli futbolchilar bor va qishda ular yana kuchaydilar. Buni yodda tutishimiz kerak", - deydi Noyer.
