"Бавария" дарвозабони Мануэль Нойер Германия чемпионатининг 19-турида "Шальке" билан учрашув олдидан фикрлари билан ўртоқлашди.
Учрашув 4 февраль куни Мюнхенда бўлиб ўтади. "Бавария" 45 очко билан Бундеслигада етакчилик қилаётган бўлса, "Шальке" 21 очко билан 11-ўринда бормоқда.
"Олдимизда катта ўйинлар турганини тушуниб турибмиз. Биз ўзимизнинг энг яхши футболимизни кўрсатмоқчимиз ва буни шанба куни ҳам бажармоқчимиз. "Шальке" деворга тақалиб турибди. БУ хавфли вазият. Бизга қарши ўйинда улар ўз аҳволларини яхшилашга ва яхшироқ ўйнашга ҳаракат қилишади. Унинг таркибида маҳоратли футболчилар бор ва қишда улар яна кучайдилар. Буни ёдда тутишимиз керак", - дейди Нойер.
