“Lokomotiv” PFK matbuot xizmati 2017 yilgi Osiyo chempionlar ligasi o‘yinlari uchun ommaviy axborot vositalari vakillarini akkreditasiyadan o‘tkazish jarayonini boshlanganini e’lon qiladi.
“Lokomotiv” ishtirokidagi bahslarni stadiondan turib yoritishni istagan OAV xodimlari 2017 yilning 3-13 fevral sanalari oralig‘ida akkreditasiya uchun zarur bo‘lgan hujjatlarni klub matbuot xizmati elektron pochtasi (info@lokomotiv.uz)ga jo‘natishlari kerak bo‘ladi.
OAV vakillari akkreditasiyadan o‘tishlari uchun tahririyatning rasmiy blankida bosh muxarrir tomonidan imzo chekilgan va muxr bilan tasdiqlangan rasmiy xat yuborishlari lozim bo‘ladi. Rasmiy xatda OAVning to‘liq nomi va yo‘nalishi, guvohnoma raqami hamda aloqa uchun tahririyat telefon va faks raqami ko‘rsatilishi talab etiladi. Shuningdek, xatga ilova tarzida 3x4 o‘lchamdagi fotosurat va akkreditasiyadan o‘tayotgan jurnalist pasportidan nusxa (elektron shaklda) jo‘natilishi lozim bo‘ladi.
Eslatma: “Lokomotiv” jamoasi ishtirokidagi uchrashuvlarga faqat ushbu klubda akkreditasiyadan o‘tgan OAV hodimlari kirish imkoniga ega bo‘lishadi.
Qo‘shimcha ma’lumot uchun telefon:
+99871 286 24 12
