"Manchester Yunayted" bosh murabbiyi Joze Mourinyo o‘z klubi uchun transfer bozorida katta transferlar amalga oshirish shart emas degan fikrda qolmoqda.
"Fevral oyida transfer bozori haqida gapirishdan ma’no yo‘q, deb o‘ylayman. Transferlar oynasi endi yozda ochiladi, hozircha bu borada hech narsa deya olmayman. Men nima xohlashimni bilaman. Jamoada yetti oy ishladim, endi uni yaxshiroq bilaman. Transfer bozorida realist bo‘lish kerak, aqlbovar qilmas transfer qilishga urinmasik kerak. Amalga oshmaydigan transferlarni mening jamoam bilan bog‘lashlari menga yoqmaydi. Bu vaqtning bekor sarflanishi.
"MYU" tomonidan qiziqish futbolchilarga va ularning agentlariga o‘z ahvollarini yaxshilash uchun xizmat qiladi. Mening nima xohlashimni rahbariyat biladi, ammo hozirda qo‘l ostimizdagi futbolchilarga tayanamiz", - deydi Mourinyo.
