"Манчестер Юнайтед" бош мураббийи Жозе Моуриньо ўз клуби учун трансфер бозорида катта трансферлар амалга ошириш шарт эмас деган фикрда қолмоқда.
"Февраль ойида трансфер бозори ҳақида гапиришдан маъно йўқ, деб ўйлайман. Трансферлар ойнаси энди ёзда очилади, ҳозирча бу борада ҳеч нарса дея олмайман. Мен нима хоҳлашимни биламан. Жамоада етти ой ишладим, энди уни яхшироқ биламан. Трансфер бозорида реалист бўлиш керак, ақлбовар қилмас трансфер қилишга уринмасик керак. Амалга ошмайдиган трансферларни менинг жамоам билан боғлашлари менга ёқмайди. Бу вақтнинг бекор сарфланиши.
"МЮ" томонидан қизиқиш футболчиларга ва уларнинг агентларига ўз аҳволларини яхшилаш учун хизмат қилади. Менинг нима хоҳлашимни раҳбарият билади, аммо ҳозирда қўл остимиздаги футболчиларга таянамиз", - дейди Моуриньо.
