"Barselona" o‘z safida "Real" yarimhimoyachisi Fransisko Iskoni ko‘rishni istamoqda, ammo voqealarning bunday tus olishi madridliklarning rejasida yo‘q, deya xabar beradi Marca.
Manbaga ko‘ra, kataloniyaliklar rahbariyati 24 yoshli futbolchini Andres Inyestaga o‘rinbosar sifatida ko‘rmoqda. Ispan matbuoti xabariga ko‘ra, Isko madridliklar bilan shartnomasini uzaytirishni istamayapti va boshqa klubga o‘tishni rejalashtiryapti. Ammo "Real" o‘z o‘yinchisini ashaddiy raqibiga sotmoqchi emas.
Iskoning shartnomasi 2018 yilning yozida tugaydi. U la liganing 15 uchrashuvida 4ta gol urgan va 2ta golga to‘p oshirgan.
