"Барселона" ўз сафида "Реал" яримҳимоячиси Франциско Искони кўришни истамоқда, аммо воқеаларнинг бундай тус олиши мадридликларнинг режасида йўқ, дея хабар беради Marca.

Манбага кўра, каталонияликлар раҳбарияти 24 ёшли футболчини Андрес Иньестага ўринбосар сифатида кўрмоқда. Испан матбуоти хабарига кўра, Иско мадридликлар билан шартномасини узайтиришни истамаяпти ва бошқа клубга ўтишни режалаштиряпти. Аммо "Реал" ўз ўйинчисини ашаддий рақибига сотмоқчи эмас.

Исконинг шартномаси 2018 йилнинг ёзида тугайди. У ла лиганинг 15 учрашувида 4та гол урган ва 2та голга тўп оширган.