Germaniya chempionatidan o‘rin olgan «Borussiya» D - «RB Leypsig» (1:0) o‘yinidan oldin muxlislarning to‘qnashuvi yuzaga kelgan.

Xabarga ko‘ra, dortmundliklarning fanatlari Leypsigdan tashrif buyurgan muxlislarga, shu jumladan ayollar va bolalarga hujum uyushtirgan, ularga qarata shisha idishlar va toshlarni uloqtirgan.

Polisiya kuchlari bezorilarni tarqatib yuborishga muvaffaq bo‘lgan va 28 nafar fanatni hibsga olib, jinoiy ish qo‘zg‘atgan. «RB Leypsig» fanatlaridan 10 nafari, polisiyadan 4 nafari turli tan jarohatini olgan.