Германия чемпионатидан ўрин олган «Боруссия» Д - «РБ Лейпциг» (1:0) ўйинидан олдин мухлисларнинг тўқнашуви юзага келган.
Хабарга кўра, дортмундликларнинг фанатлари Лейпцигдан ташриф буюрган мухлисларга, шу жумладан аёллар ва болаларга ҳужум уюштирган, уларга қарата шиша идишлар ва тошларни улоқтирган.
Полиция кучлари безориларни тарқатиб юборишга муваффақ бўлган ва 28 нафар фанатни ҳибсга олиб, жиноий иш қўзғатган. «РБ Лейпциг» фанатларидан 10 нафари, полициядан 4 нафари турли тан жароҳатини олган.
