Joriy yilning avgust oyida o‘tkazilishi kutilayotgan Jahon chempionatida rossiyalik sportchilar qatnasha olmasligi ma’lum bo‘ldi.

Londonda o‘tkazilishi kutilayotgan atletika bo‘yicha Jahon chempionatida Rossiya terma jamoasi sportchilari qatnashmasligi ma’lum bo‘ldi. Sport rahbarlarining bunday qarorga kelishi sababi ortida rus atletlarining doping qabul qilganligi bilan bog‘liq mashmasha, halqaro sport qoidalariga bo‘ysunmaganligi turibdi. Bu haqda IAAF rasmiy sayti xabar bermoqda.

Halqaro Atletika Assosasiyasi dushanba, 6 fevral kuni Monako shahrida o‘tkazgan konferensiyasida Atletika bo‘yicha Rossiya terma jamoasi 2017 yil noyabr oyiga qadar halqaro musobaqalarda ishtirok etmasligi, shuningdek, avgustda bo‘lib o‘tadigan Jahon chempionatida qatnasha olmasligi haqida bayonot bergan. Halqaro bellashuvda 35 nafar rus sportchilari betaraf, oq bayroq ostida qatnashish uchun ariza topshirgan.

Eslatib o‘tamiz, ushbu kiritilgan cheklovlar 15 yoshgacha bo‘lgan atletlarga nisbatan qo‘llanilmaydi. Bundan tashqari, tashkilot asossiz ravishda boshqa mamlakat fuqaroligiga o‘tgan atletlarga nisbatan ham chora-tadbir ko‘rilishi mumkinligini ta’kidlaydi.