Gaaga shahrining sudi mashhur kikbokschi Badr Hariy ustidan hukm chiqardi.
«Real» hujumchisi Krishtianu Ronalduning do‘sti sifatida nom qozongan marokashlik sportchi 2 yillik qamoq jazosiga mahkum qilindi. Biroq, u faqat 6 oyni panjara ortida o‘tkazadi, qolgan muddatni shartli ravishda o‘taydi, deb xabar bermoqda AS.
Eslatib o‘tamiz, Hariy 2012 yili Amsterdam shahrida, tadbirkor Koen Everink bilan janjallashib, uni urgan, so‘ngra gultuvak bilan guvohlardan birining boshiga tushirgan edi.
Hariyning advokati sudning qarorini «tushunarsiz va adolatsiz» deb aytdi.
