Гаага шаҳрининг суди машҳур кикбоксчи Бадр Ҳарий устидан ҳукм чиқарди.
«Реал» ҳужумчиси Криштиану Роналдунинг дўсти сифатида ном қозонган марокашлик спортчи 2 йиллик қамоқ жазосига маҳкум қилинди. Бироқ, у фақат 6 ойни панжара ортида ўтказади, қолган муддатни шартли равишда ўтайди, деб хабар бермоқда AS.
Эслатиб ўтамиз, Ҳарий 2012 йили Амстердам шаҳрида, тадбиркор Коэн Эверинк билан жанжаллашиб, уни урган, сўнгра гултувак билан гувоҳлардан бирининг бошига туширган эди.
Ҳарийнинг адвокати суднинг қарорини «тушунарсиз ва адолатсиз» деб айтди.
