O‘zbekistonlik FIFA referisi Valentin Kovalenko boshchiligidagi hakamlar brigadasi Osiyo Chempionlar Ligasi–2017 guruh bosqichi 1-turidan o‘rin olgan uchrashuvni boshqarib boradi.
Kecha BAAning “Al Vahda” jamoasi pley-off bosqichida Iordaniyaning “Al-Vehdat” klubini 3:0 hisobida mag‘lubiyatga uchratib, “D” guruhidan joy oldi. Kovalenko mazkur guruhning ilk turidan o‘rin olgan “Al-Rayyan” (Qatar) – “Al Vahda” (BAA) bellashuvga bosh hakam etib tayinlandi. Unga qanotlarda Ruslan Serazitdinov va Andrey Sapenko yordam beradi.
To‘rtinchi hakam vazifasini livanlik Ali Reda bajaradi. Uchrashuv komissari – Park Seong Kyun (Janubiy Koreya), hakamlar nazoratchisi esa Inoyat Masud (Eron). “Al-Rayyan” – “Al Vahda” bellashuvi 21 fevral kuni, Doxa shahrida bo‘lib o‘tadi.
