«Manchester Yunayted» bosh murabbiyi Joze Mourinyo, «Real» klubi tomonidan David De Xeaga qiziqish bo‘layotgani haqidagi xabarlarga o‘z munosabatini bildirdi.

«Har xil mish-mishlarni muhokama qilishni istamayman. David – mening futbolchim. U mendan mamnun, buni bilaman.

Florentino Peres va uning o‘ng qo‘li bo‘lmish Xose Anxel Sanchesga keladigan bo‘lsak, o‘rtamizda do‘stona munosabatlar saqlanib qolgan. Biz bir-birimizga nisbatan ochiq va halolmiz.

Shu tufayli ham, agar men ularning futbolchisini xarid qilmoqchi bo‘lsam, dastlab o‘zlari bilan gaplashaman, matbuotga chiqib o‘tirmayman. O‘ylashimcha, ular ham shu ishni qiladi. «Real» – men ishonadigan klublardan biridir» - dedi Mourinyo.