«Yuventus» bosh murabbiyi Massimiliano Allegri «Arsenal» klubida ish boshlashi mumkinligi haqidagi xabarlarga izoh berdi.

«Yo‘q narsani qanday tasdiqlashim mumkin? Aytmagan narsamni qanday inkor qilaman? Men «Yuventus» bilan shartnoma imzolaganman, uni uzaytirish borasida yaqinda rahbariyat bilan muzokara o‘tkazaman.

Ertaga «Yuventus»dagi 100-o‘yinimni o‘tkazaman? Men hech qachon statistika haqida o‘ylamayman, faqat skudetto yoki Chempionlar ligasi haqida qayg‘uraman. Umid qilamanki, bu yerda yana 300-400 o‘yin o‘tkazaman, chunki bundan baxtiyorman.

Agar boshqa jamoaga o‘tadigan bo‘lsam, bu haqda dastlab «Yuventus»ni ogohlantiraman» - dedi Allegri.