«Ювентус» бош мураббийи Массимилиано Аллегри «Арсенал» клубида иш бошлаши мумкинлиги ҳақидаги хабарларга изоҳ берди.
«Йўқ нарсани қандай тасдиқлашим мумкин? Айтмаган нарсамни қандай инкор қиламан? Мен «Ювентус» билан шартнома имзолаганман, уни узайтириш борасида яқинда раҳбарият билан музокара ўтказаман.
Эртага «Ювентус»даги 100-ўйинимни ўтказаман? Мен ҳеч қачон статистика ҳақида ўйламайман, фақат скудетто ёки Чемпионлар лигаси ҳақида қайғураман. Умид қиламанки, бу ерда яна 300-400 ўйин ўтказаман, чунки бундан бахтиёрман.
Агар бошқа жамоага ўтадиган бўлсам, бу ҳақда дастлаб «Ювентус»ни огоҳлантираман» - деди Аллегри.
