«Qo‘qon-1912» Jizzaxning “So‘g‘diyona” klubiga qarshi nazorat o‘yinini o‘tkazdi.

Bahsda No‘’mon Hasanov shogirdlari yirik hisobda g‘alaba qozonishdi. Uchrashuv boshida Nosir Otaqo‘ziyevning chalqancha usulda bergan zarbasi biroz noaniq bo‘ldi. Oradan biroz o‘tib, uchrashuvda hisob ochildi. Burchak zarbasidan so‘ng Jalil Kimsanov boshi bilan “So‘g‘diyona” darvozani ishg‘ol qildi.

Birinchi bo‘limning qolgan daqiqalarida ham «Qo‘qon-1912»da bir qator vaziyatlar vujudga keldi. Ammo ularni yakunlashda aniqlik yetishmadi. Ikkinchi taym boshida Bahodir Pardayev himoyachining xatosidan unumli foydalanib, hisobni bittaga oshirdi. Aleksandr Merzlyakovning to‘p oshiririshidan keyin Nosir Otaqo‘ziyev boshi bilan raqib darvozani aniq nishonga olib hisobni yirik ko‘rinishga olib keldi.

Oradan biroz o‘tib, Suhrob Berdiyevning zarbasini darvozabon qaytardi, qaytgan to‘pga birinchi bo‘lib Otaqo‘ziyev yetib keldi va jizzaxliklar posbonini ojiz qoldirdi.

Goldan keyin katta kuch bilan hujumga otlangan “So‘g‘diyona” futbolchilari penalti tepish huquqiga ega bo‘lishdi. Ammo Aziz Ashurov mahorat ko‘rsatib, penaltini qaytardi.
Uchrashuv yakunlanishi arafasida «Qo‘qon-1912» raqib darvozasini beshinchi bor aniq nishonga olishdi. Bu safar gol muallifi Bahodir Pardayev bo‘ldi.

Nazorat uchrashuvi
“Qo‘qon-1912” – “So‘g‘diyona” 5:0 (1:0)
Gollar: Jalil Kimsanov, Bahodir Pardayev 2 ta , Nosir Otaqo‘ziyev 2 ta.
“Qo‘qon-1912”: 13. Nikita Ribkin, 5. Jalil Kimsanov, 6. Bahodir Akramov, 9. Nosir Otaqo‘ziyev, 10. Javohir Sidiqov, 15. Oybek Rustamov, 20. Ruslan Melziddinov, 29. Aleksandr Merzlyakov, 55. Darko Gojkovich, 90. Suhrob Berdiyev, 99. Bahodir Pardayev.
Zaxira: 12. Aziz Ashurov, 75. Ibrohim Rahimov, 22. Orif Mamajonov, 49. Shohruh Xolmatov, 28. Avaz Mamatxo‘jayev.
“So‘g‘diyona”: Karim Muhammedov, Azamat Isroilov, Elyor Oripov, Rustam A’zamov, Omonjon Xalilov, G‘ulom O‘runov, Sunatilla Mamadaliyev, Akmal Xolmatov, Sardor Eminov, Ixtiyor Toshpo‘latov, Alisher Mahmudov.