“Ayaks” jamoasi “Sparta” jamoasiga qarshi o‘yin mobaynida “halol o‘yin” qoidalarini buzdi.

Amsterdamning “Ayaks” jamoasi himoyachisi ichki chempionatning 22-turida, “Sparta” jamoasiga qarshi o‘yinda “halol o‘yin” qoidalarini buzdi.

Gap shundaki, uchrashuvning ikkinchi qismi boshlangan paytda, o‘ng qanotdan hujumga o‘tgan himoyachi Veltmen jamoadoshining maydonda yotgani uchun raqibni o‘yinni to‘xtatishga chaqiradi. Veltmen qarshisidan chiqqan Ivan Kalero biroz chalg‘igan payti, u yana hujumni davom ettirdi. Uchrashuvdan so‘ng o‘sha payt maydonda ingrab yotgan Bertran Traore hodisa tafsilotlariga to‘xtalib o‘tmadi.

Shunga qaramay, bu hodisa o‘yin natijasiga ta’sir o‘tkazmadi. Qolaversa, ikki to‘p farqi bilan oldida borayotgan “Ayaks” jamoasi, oxirida yengil g‘alabaga erishdi.