2016-2017 yilgi Chempionlar ligasi mavsumida Kataloniyaning «Barselona» futbol klubi g‘olib chiqishi kerak. UYEFA vakillari so‘nggi yillardagi statistik ma’lumotlarni o‘rganib chiqib, shunday xulosaga kelishdi, deb xabar bermoqda tashkilot rasmiy sayti.

Ko‘k-anorranglilar foydasiga xizmat qiluvchi jihatlardan biri – Kataloniyaliklarning asosiy raqobatchilari CHL pley-off bosqichiga ikkinchi o‘rindan chiqqanidadir. Statistikaga ko‘ra, musobaqada oxirgi 11 yil davomida faqatgina bitta jamoa o‘z guruhida g‘alaba qozonmay turib, zafar quchgan - «Inter» 2010 yilda.

Bundan tashqari, so‘nggi 19 yilda CHLda musobaqada avval g‘alaba qozonmagan jamoa bir bora g‘alaba nashidasini surgan («Chelsi» 2012 yilda). Ekspertlarning ta’kidlashicha, turnirning ushbu bosqichiga qadar yetib kelgan barcha jamoalar orasida «Barselona» eng katta favorit bo‘lib turibdi.

UYEFA o‘tgan mavsumda Madridning «Real» jamoasi foydasiga bashorat qilgandi hamda u oxir-oqibat CHLda g‘alaba qozondi.