2016-2017 йилги Чемпионлар лигаси мавсумида Каталониянинг «Барселона» футбол клуби ғолиб чиқиши керак. УЕФА вакиллари сўнгги йиллардаги статистик маълумотларни ўрганиб чиқиб, шундай хулосага келишди, деб хабар бермоқда ташкилот расмий сайти.

Кўк-анорранглилар фойдасига хизмат қилувчи жиҳатлардан бири – Каталонияликларнинг асосий рақобатчилари ЧЛ плей-офф босқичига иккинчи ўриндан чиққанидадир. Статистикага кўра, мусобақада охирги 11 йил давомида фақатгина битта жамоа ўз гуруҳида ғалаба қозонмай туриб, зафар қучган - «Интер» 2010 йилда.

Бундан ташқари, сўнгги 19 йилда ЧЛда мусобақада аввал ғалаба қозонмаган жамоа бир бора ғалаба нашидасини сурган («Челси» 2012 йилда). Экспертларнинг таъкидлашича, турнирнинг ушбу босқичига қадар етиб келган барча жамоалар орасида «Барселона» энг катта фаворит бўлиб турибди.

УЕФА ўтган мавсумда Мадриднинг «Реал» жамоаси фойдасига башорат қилганди ҳамда у охир-оқибат ЧЛда ғалаба қозонди.