«Borussiya» D bosh murabbiyi Tomas Tuxel Chempionlar ligasidan o‘rin olgan «Benfika» klubiga qarshi o‘yindan oldin o‘z fikrlarini aytdi.
«Biz boy tarixga, ajoyib stadionga ega kuchli raqibga qarshi o‘ynaymiz. «Benfika» o‘z maydonida juda yaxshi o‘ynamoqda. Biz taktik sxemani ushlab turishimiz va ritmni saqlashimiz lozim. Uzatmalarni aniq amalga oshirib, himoyadan hujumga tezkor o‘tishimiz, «Benfika»ga bo‘sh hududlarni qoldirmasligimiz shart.
Ko‘proq gol urishni istaymiz. Mana shunda jamoaning hujumkor ruhiyati shakllanadi» - dedi Tuxel UYEFA rasmiy saytida.
