«PSJ» yulduzi Xvicha Kvarasxeliyaning ukasi, 16 yoshli gruziyalik futbolchi Tornike Kvarasxeliya Yevropaning grand klublaridan biri bilan shartnoma imzolashi mumkin. Goal portali bergan ma’lumotlarga ko‘ra, Myunxenning «Bavariya» klubi yosh iste’dod egasini o‘z safiga qo‘shib olishga jiddiy qiziqish bildirmoqda.

Hozirda kichik Kvarasxeliya Tbilisining «Dinamo» jamoasi sharafini himoya qilmoqda. Shuningdek, Tornike Gruziyaning 17 yoshgacha bo‘lgan terma jamoasiga ham muntazam chaqirilmoqda.

Eslatib o‘tamiz, «Bavariya» ayni kunlarda UYEFA Chempionlar ligasi yarim finalida aynan «PSJ»ga qarshi bahs olib bormoqda. Dastlabki o‘yinda myunxenliklar parijliklarga 4:5 hisobida imkoniyatni boy berishgan edi. Javob uchrashuvi 6 may kuni Myunxendagi stadionda bo‘lib o‘tadi.