“Qo‘qon-1912” jamoasi Chirchiq shahrida yangi mavsumga tayyorgarlikni davom etdirmoqda.

Tayyorgarlik rejasiga ba’zi o‘zgarishlar kiritildi. Jamoaning o‘rtoqlik uchrashuvlari soni oshdi. Ertaga 17-fevral kuni futbolchilar Navoiyning “Qizilqum” jamoasiga qarshi maydonga chiqadi. Bu uchrashuv JAR stadionining mashg‘ulotlar maydonida bo‘lib o‘tadi. O‘yin soat 15-00da boshlanishi belgilangan.

Avvaldan reja qilingan “Sho‘rtan”ga qarshi uchrashuv 18-fevral kuni, soat 15-00 da Sergeli dahasidagi su’niy qoplamali maydonda bo‘lib o‘tadi.

Shuningdek futbolchilar 20-fevral kuni Namanganning “Navbahor” jamoasiga qarshi maydonga chiqadi. So‘nggi nazorat uchrashuvi esa 23-fevral kuni Qozog‘istonning “Ekibastuz” jamoasi bilan bo‘lib o‘tadi