Yangi mavsumda yuqori natijalarni qayd etishni niyat qilgan “Neftchi” jamoasi Turkiyadagi yig‘inini yakunladi.
So‘nggi bahsda “Stal” Dneprodzerjinsk jamoasiga qarshi o‘ynagan farg‘onaliklar 2:2 hisobida durang natija qayd etishdi. Ushbu bellashuvda Sherzod Hakimov dublga erishdi. Andrey Fyodorov so‘nggi o‘yinda quyidagi tarkibdan foydalandi.
Asosiy tarkib: O‘tkir Yusupov, Terentiy Lusevich, Sergey Konsevoy, Dilyor Irmatov, Furqat Hasanboyev, Umid Qodirov, Muzaffar Muzaffarov, Abbos Maxstaliyev, Nikita Pavlenko, Dmitriy Komarovskiy, Sherzod Hakimov
Zaxiradan maydonga tushganlar: Javohir Rasulov, Said Abdujabborov, Abdujamol Isroilov, Husniddin G‘ofurov
Kecha jamoa vakillari Antaliya shahridagi so‘nggi o‘quv mashg‘ulotini o‘tkazishdi. Umuman olganda murabbiylar shtabining mazkur xorij yig‘inidan ko‘ngli to‘ldi.
Bugun maxalliy vaqt bilan soat 18:30da “Neftchi” PFK delegasiyasi Turkiyadan O‘zbekistonga parvoz qiladi. Jamoa safardan qaytgach, Farg‘onada Oliy liga 1-turidan o‘rin olgan “Sho‘rtan”ga qarshi safar bahsiga tayyorgarlik boshlanadi.
