Янги мавсумда юқори натижаларни қайд этишни ният қилган “Нефтчи” жамоаси Туркиядаги йиғинини якунлади.
Сўнгги баҳсда “Сталь” Днепродзержинск жамоасига қарши ўйнаган фарғоналиклар 2:2 ҳисобида дуранг натижа қайд этишди. Ушбу беллашувда Шерзод Ҳакимов дублга эришди. Андрей Фёдоров сўнгги ўйинда қуйидаги таркибдан фойдаланди.
Асосий таркиб: Ўткир Юсупов, Терентий Луцевич, Сергей Концевой, Дилёр Ирматов, Фурқат Ҳасанбоев, Умид Қодиров, Музаффар Музаффаров, Аббос Махсталиев, Никита Павленко, Дмитрий Комаровский, Шерзод Ҳакимов
Захирадан майдонга тушганлар: Жавоҳир Расулов, Саид Абдужабборов, Абдужамол Исроилов, Ҳусниддин Ғофуров
Кеча жамоа вакиллари Анталия шаҳридаги сўнгги ўқув машғулотини ўтказишди. Умуман олганда мураббийлар штабининг мазкур хориж йиғинидан кўнгли тўлди.
Бугун махаллий вақт билан соат 18:30да “Нефтчи” ПФК делегацияси Туркиядан Ўзбекистонга парвоз қилади. Жамоа сафардан қайтгач, Фарғонада Олий лига 1-туридан ўрин олган “Шўртан”га қарши сафар баҳсига тайёргарлик бошланади.
